Stop! Stop!! Stop!!!
Na the shout wey wake me from sleep be that
I shaperly jump out of bed to see wetin dey cause kasala
Na in I see one bros wey dey don trowe rope for in neck, ah!
“Beat am! Beat am! Hit am with Bat!”
Wetin in do, wetin shele?
Na the question wey me I just dey ask
Na in dem con tok say in steal pant
Fresh bros like this dey do ritual chai!
Sharperly sharperly I go line go check my g-string
Help! Help!! Help!!!
Na the only sound wey comot my mouth be that
Wahala don shele o! Wayo don gas!! Kasala don burst!!!
Abegi hold the broda
I no find my pant o
GBAS! GBOS!! GBA GBA GBA!!!
I don give the bros 6 slaps
WHERE IS MY PANT?
In mouth don big, in no fit answer my question
“Amaka I don pack your pant for una”, my friend yern me
My bodi con come down
Na so my brain settle
Security people you are free to take him away
I don see am
*SANYAOLU OLUBUNMI (MCBUMNIK)*